സംഘാടന മികവിന്റെ സൗര തേജസ് 
കഴിഞ്ഞ മൂന്നുപതിറ്റാണ്ട് കാലമായി സർവീസ് സംഘടന രംഗത്ത് തനതായ വ്യക്തിമുദ്ര പതിപ്പിച്ച
ശ്രീ ആർ ടി നോബിൾ സിംഗ് പടിയിറങ്ങുകയാണ്
മറ്റു ബ്രാഞ്ച് കമ്മിറ്റികൾ ചിന്തിക്കുന്നതിനു മുമ്പ് കേരളത്തിൽ ആദ്യമായി ബ്രാഞ്ച് കമ്മിറ്റിക്ക് ആസ്ഥാന മന്ദിരം പണിത സംഘാടക മികവിന്റെ പേരാണ് നോബിൾ സിംഗ്
ഇന്നും നെയ്യാറ്റിൻകരയിൽ മതേതര ജനാധിപത്യ പ്രസ്ഥാനത്തിന്റെ ഏക ഓഫീസായി തലയെടുപ്പോടെ
രാജീവ് ഗാന്ധി എൻ ജി ഓ ഭവൻ നിലകൊള്ളുന്നു .
കാലത്തിനു മുന്നേ സഞ്ചരിച്ച കർമ്മയോഗി
സംഘാടനം എന്താണെന്ന് മറ്റുള്ളവർ പഠിക്കേണ്ട അപൂർവ്വ വ്യക്തിത്വം
സർവീസ് സംഘടനാ ചരിത്രത്തിൽ നാഴിക കല്ലായി മാറിയ ബ്രാഞ്ച് കമ്മിറ്റി ഓഫീസ് നിർമ്മാണത്തിന്റെ ചുക്കാൻ പിടിച്ചത് എക്കാലവും ഓർമ്മിക്കപ്പെടും എന്നുള്ള കാര്യത്തിൽ സംശയമില്ല
നെയ്യാറ്റിൻകരയിലെ സർവീസ് സംഘടന രംഗത്ത് ചാരുതയേറിയ സംഘടനാ പ്രവർത്തനം എങ്ങനെയായിരിക്കണമെന്ന് സഹപ്രവർത്തകർക്ക് കാണിച്ചുകൊടുത്ത
എൻ ജി ഓ അസോസിയേഷൻ നെയ്യാറ്റിൻകര ബ്രാഞ്ച് കമ്മിറ്റിയെ ദീർഘകാലം നയിച്ച
ബ്രാഞ്ച് കമ്മിറ്റിയുടെ അമരക്കാരൻ മാത്രമായിരുന്നില്ല ആർ ടി നോബിൾ സിംഗ്
കേരളത്തിലാകെ സംഘടനാ പ്രവർത്തനത്തിന് ഊർജ്ജം പകർന്ന പ്രതിഭയായിരുന്നു അദ്ദേഹം
ഊർജ്ജസ്വലതയോടെ ചുറുചുറുക്കോടെ മികവിന്റെ പര്യായമായി മാറി
സ്വന്തം കടമകളും ഉത്തരവാദിത്വങ്ങളും കൃത്യമായി നിറവേറ്റിയ നേതാവായിരുന്നു ആർ.ടി . സർഗാത്മ ആശയങ്ങൾ നിറഞ്ഞ ഒരു വ്യക്തി അല്ലെങ്കിൽ നേതാവിന്റെ എല്ലാ കഴിവുകളും ലഭിച്ച വ്യക്തിയെന്ന് വിശേഷിപ്പിക്കാം നിശ്ചയദാർഢ്യത്തിന്റെ കഠിനാധ്വാനത്തിന്റെ ആൾരൂപമായ ശ്രീ ആർ ടി നോബിൾ സിംഗിനെ
നെയ്യാറ്റിൻകരയിലെ സർക്കാർ ജീവനക്കാരെ ഇത്രയും സ്വാധീനിച്ച ഒരു വ്യക്തി സമീപകാലങ്ങളിൽ ഒന്നും നമുക്ക് ഉണ്ടായിട്ടില്ല
സ്വന്തം ജോലിയോട് അങ്ങേയറ്റത്തെ ആത്മാർത്ഥത പുലർത്തുമ്പോഴും സംഘടനാ പ്രവർത്തനം കടമയാണെന്ന് നിരന്തര പരിശ്രമം കൊണ്ട് തെളിയിച്ച ഒരാളാണ് അദ്ദേഹം
സഹപ്രവർത്തകരെ ജീവനുതുല്യം സ്നേഹിച്ച സഹപ്രവർത്തകരെ സംരക്ഷിക്കുന്നതിൽ
എന്നും മുന്നിൽ നിന്ന തിളക്കമാർന്ന വ്യക്തിത്വത്തിന് ഉടമ
പ്രതിസന്ധികളിൽ തോറ്റു പിന്മാറുന്ന സംഘടനാ പ്രവർത്തകർക്ക് വീണ്ടും പ്രയത്നിക്കാനുള്ള
പ്രോത്സാഹനമാണ് പ്രചോദനമാണ് ആർ ടി നോബിൾ സിംഗിന്റെ മൂന്നു പതിറ്റാണ്ട് കാലം നീളുന്ന സർവീസ് ജീവിതം
ഐതിഹാസികമായ 32 ദിവസത്തെ സമരത്തിന് നെയ്യാറ്റിൻകരയിൽ നേതൃത്വം നൽകുന്നതിലൂടെ നിരവധി പ്രതിസന്ധികളെ അതിജീവിക്കേണ്ടി വന്നിട്ടുണ്ട് ആർ ടി നോബിൾ സിംഗിന്.
നിരവധി പോരാട്ടങ്ങൾക്കു നേതൃത്വം നൽകിയ
ഏറ്റെടുത്ത ഉത്തരവാദിത്വങ്ങൾ എല്ലാം വളരെ മനോഹരമായി പൂർത്തീകരിച്ച
നെയ്യാറ്റിൻകര ബ്രാഞ്ച് കമ്മിറ്റി കേരളത്തിന് സംഭാവന ചെയ്ത
പ്രതിഭാ ശാലിയായ
ശ്രീ ആർ ടി നോബിൾ സിംഗിന്
നെയ്യാറ്റിൻകര ബ്രാഞ്ച് കമ്മിറ്റിയുടെ സ്നേഹാശംസകൾ
മതേതര ജനാധിപത്യ പ്രസ്ഥാനത്തിന് മികച്ചൊരു മുതൽ കൂട്ടാകാൻ
ശ്രീ ആർ ടി നോബിൾ സിംഗിന് കഴിയട്ടെ എന്ന് സ്നേഹപൂർവ്വം ആശംസിക്കുന്നു
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ